pangidaron

ang pangidaron
nagpalayong kalunhaw
lalag nga dahon

paminaw

paminawa ko
ako magpakahilom
sa kahinanok

ulan

dagtom sa langit
dahunog sa dalugdog
humod na kita

kasing

gatuyok-tuyok
kahoy nga linansangan
'di masakitan

dinumero

dinumerong pong
kahadlukan sa tanan
uno dos y tres

paniudto

bagting sa tiyan
garay sa mga bahawan
kaon nasad dong

trianggulo

lingi'ng kalibutan
kwadrado'ng kasing kasing
managlahi'ng kasinatian

choka: tsinelas

paris nagsinabtanay
lakang gisapnay

paris nga tinud-anay
'di magbuwagay

haiku: kargador

bug-at nga karga
ilalum sa kalapoy
hilum nga taghoy

haiku: batang asiras

sanglit bulingit
mga bulawan sa dalan
dili mahipos

nitulong luha
kalalom 'di matugkad
aping nga huyang

haiku: pulaw

tutok's kisame
nagbugtaw sa kaduka
painit una

choka: lakang

haiku: maninistis

dagway'ng gaya
hulagway pinintalan

nagmagul-anon

sayaw ug kiay-kiay
dikolor nga sinina
tonto'ng komiko

3 ka haiku: higala

dan-ag sa adlaw
takna sa kaudtuhon
kamalipayon

halog ug hagwa
mga yanong pakigdula
kamabulukon

pagsalop niya
tanan magmagul-anon
ikaw bililhon

haiku: kadina

hinikta'ng bukton
kagawasa'ng ginapos
dugha'ng gawasnon

haiku: kawayan

bagyo ma'g unos
paling-paling ang bulok
wala'y kahadlok

haiku: lansang

lansang nitaop
kaluwasan ang bulok
palad uyamot

haiku: manga'ng hilaw

hilaw, tagudtod
aslum-tam-is nga bunga

mangga'ng karabao

haiku: Dahon

lalag nga dahon

nagkumpayot sa sanga
katagakon na

haiku: kasing kasing

matang luhaan

natungang kasing kasing
'di kapakyasan

haiku: lubi

lunhaw'ng mga dahon
sa punua'ng dinayig
bunga'ng binulig

haiku: turok

balikong dahon
huyang sa pagkakaron
magmabungahon

haiku: palad

lapukong palad
talikdanay'ng mga saad
dili magbuwag

haiku: manok

tiil gikaway
hubong lawas naglaray
agni's mulabay

haiku: dalan

lapad nga dalan
lunhaw nga kasagbutan
gapaso'ng dulngan

haiku: giwang

hulmigas kamang
lusot sa kagawasan
agi sa giwang

haiku: linaw

aninong lunhaw
sagbot nag-utaw-utaw
dagat nga linaw