haiku: lubi

lunhaw'ng mga dahon
sa punua'ng dinayig
bunga'ng binulig

haiku: turok

balikong dahon
huyang sa pagkakaron
magmabungahon

haiku: palad

lapukong palad
talikdanay'ng mga saad
dili magbuwag

haiku: manok

tiil gikaway
hubong lawas naglaray
agni's mulabay

haiku: dalan

lapad nga dalan
lunhaw nga kasagbutan
gapaso'ng dulngan

haiku: giwang

hulmigas kamang
lusot sa kagawasan
agi sa giwang

haiku: linaw

aninong lunhaw
sagbot nag-utaw-utaw
dagat nga linaw